طريقة عمل جلاش بالمكسرات ..جلاش أصابع ( صوابع)

طريقة عمل جلاش بالمكسرات ..جلاش أصابع ( صوابع)

من الحلويات الشرقيه الرائعه.
المكونات
-جلاش (عجينه الفيلو).
-مكسرات مشكله مطحونه (لوز+ بندق+سودانى+زبيب)
*انا طحنت المكسرات خشن شويه ..لكن لو كانت ناعمه أكتر كانت هتبقى أسهل عند لف الجلاش.
-سمن ذائبه.
-شربات ( قطر _ شيره)

طريقة العمل
نفرد ورقة الجلاش وندهنها كلها سمن.

نضع المكسرات عليها..ممكن نقسم الورقه من البدايه ونشتغل كل مره بنصف الورقه فقط ..لكن بالنسبه ليا العمل على ورقه كامله اسهل ..ندهنها كلها ثم اقسمها من الوسط وألف كل نصف.

ندهن صينيه سمن ونضع فيها أصابع الجلاش.بعد الآنتهاء من الكميه المطلوبه ندهن الوجه سمن كتير شويه.

قبل الخبز نقطعها لأصابع صغيره (حجمها حسب الذوق ) لكن الصغير شكله بيكون أحلى.

توضع فى فرن سابق التسخين...حراره 180 او فوق المتوسط ..حتى تأخذ اللون الذهبى من الأسفل (حوالى 10 الى 15 دقيقه) ثم توضع فى الشوايه لتتلون من الوجه أيضا.ثم تُسقى بالشربات البارد فور خروجها من الفرن .

وتقدم.

و بألف هنا وشفا.