البط والأوز المحشي لذيذ ومصور اكيد

السلام عليكم ورحمة الله وبركاته يوم الجمعة كان هذا الطبق سيد السفرة عندنا وخاصة الدنيا صيام وياويلي الاولاد بلعواريقهم لما شافوه ههههههههه وماشاء الله الحمد لله انهم ما أكلوا العظام هههه يلا يا حلوات على الطريقة لحشوة البطة نقعت كوب فريكة من قبل بنصف ساعة  وبعدين فرمت بصلة ووضعتها بالمقلاة ولما ذبلت وضعت كبدة البط والوز مثل الصورة بنصفي الفريكة تماما ونضعها فوق المقدار ونضع الملح والقرفة المطحونة والفلفل الاسود وبنحركهم حتى يصيروا عندنا مثل الصورة وطبعا بنكون منظفين البطة والاوزة ( نفركهم بالملح والليمون وشوية خل )ولاحظوا الفرق بالحجم طبعا الاوز اكبر من البط ولون لحمه اغمق وبصراحة تغلبت في تنظيفهم مع انهم كانوا منتوفين لانه في بعض الزغب اللي صعب يروح فشعوطتهم على النار شوية حتى راح الزغب وصاروا هيك وبعد ذلك قررت اني اجهز الارز لحشي الاوزة وهو عبارة عن ثلاث ارباع الكوب رز منقوع قبل بوقت وطبعا قليت شوية لحمة مفرومة وصفيت الارز وحطناهم على اللحمة مع الملح ورشة بهارات ورشة قرفة (ملعقة صغيرة ) وهذه الصورة

 

	وهلا بلشنا بالحشي وبديت بالاوزة علشانها الكبيرة ههههه وخيطتها وحشيت الرقبة بعد ما خليت الجلدة بس وقصيت الرقبة الاصلية وخلناها على جنب وبعدين بنكتفها

	#3
	ونبدا بحشو البطة بخلطة الفريكة وبتخيطها ( وماتنسي انك تخلي فراغ بالبطة والاوزة علشان تسمحي للارز والفريكة بالتمدد والاستواء ) هلا صار كل شئ جاهز بنحطهم بالصينية وبنضربهم اكم ضربة قاضية بالسكين علشان نسمح للماء او البخار بالدخول حتى تستوي الحشوة الداخلية وبنتبلهم بالملح والفلفل الاسود والفلفل الاحمر  وقليل من الزيت وبنقطع بصلة شرحات وبنحطها  وبتحطي ماء لمنتصفها تقريبا او اقل شوية

14-09-1427 هـ, 01:23 صباحاً	#4
	وبتغلفيها بالقصدير تماما  مثل ماعملت علشان تستوي وتنبسطوا ان شاء الله بأكلها وهي مستوية تمام وبتحطيها اول شئ على الغاز من فوق حتي تغلي بسرعة وبتكوني مجهزة الفرن الحار وبتحطيها فيه  وانا أخذت معي ثلاث ساعات ونصف علشان تصير هيك ان شاء الله يكون الطبق عجبكم